| 婆婆說中了馬 要給我們每人一樣東西 今天給我試穿了一隻她覺得漂亮的玉戒指 說不給錢, 錢的話我們會花光 要給這個來作紀念 感覺很奇怪 希望沒壞事發生 |
| |
| 好少睇xanga... 真係好少好少睇xanga 好似彷彿會唔知道身邊發生既一切 至少唔知道肉眼見唔到既事 見唔到 唔代表無發生到 嗯嗯... 好有哲學 好! 一於打返xanga 但由咩開始寫好呢? |
| |
| 一個看護我, 默默地疼愛我的人 我的公公 今日默然地離開了... 4月14號 事事都唔如意 朝早洗牙又洗左兩個幾鐘都洗唔完 仲要俾醫生串 下晝原本做crown preparation 點知又變左急症, periodontal abscess 又要影xray, 又要做root planing仲要開antibiotic... 睇緊症, 有電話打黎, 無時間聽... 之後patient o岩o岩走左, 媽媽再打黎, 語帶哭泣咁話:「你公公走左啦...」 最後一面...原來係4月12號星期六 最後一句話, 係鬧我「痴線!」 o個陣仲好好氣...嘿 第一個反應係呆, 之後都係無乜反應 喊又喊過 , 難過既時間亦都陪伴左整整半年 公公亦都承受癌魔既煎熬足足半年 二十二年黎, 傾得最多計 估唔到係佢人生最後既半年 一個傳統既大男人都會有脆弱既時候 我不斷叫自己冷靜 雖然想返屋企 但係知屋企已經有好多人 唔想再返去徒添傷感 返到去都幫唔到咩手 最後一面亦都已經見唔到...... 好空虛 好空虛... 公公 希望你在天之靈會開開心心 脾氣唔好再咁壞啦... 要保祐在生既婆婆... |
| |
